صحيح ابن خزيمه

سیدنا علی رضی اللہ عنہ نبی کریم صلی اللہ علیہ وسلم سے روایت کرتے ہیں کہ آپ نے فرمایا : ” میں نے تمہیں گھوڑوں اور غلاموں کی زکوٰۃ معاف کردی ہے ، لہٰذا تم اپنے مالوں میں سے ہر چالیس درہم پر ایک درہم زکوٰۃ ادا کرو ۔ “ سیدنا علی رضی اللہ عنہ فرماتے ہیں کہ ” ہر چالیس دینار میں ایک دینار اور ہر بیس دینار زکوٰۃ ہے ۔ “

سیدنا ابوہریرہ رضی اللہ عنہ ، رسول اللہ صلی اللہ علیہ وسلم سے مرفوع روایت بیان کرتے ہیں کہ ” مسلمان شخص کے گھوڑے اور غلام میں زکوٰۃ نہیں ہے ۔ “

سیدنا ابوہریرہ رضی اللہ عنہ سے مرفوعاً مروی ہے کہ ” مسلمان پر اس کے گھوڑے اور غلام میں زکوٰۃ نہیں ہے ۔ “

سیدنا ابوہریرہ رضی اللہ عنہ بیان کرتے ہیں کہ ” مسلمان آدمی کے گھوڑے اور غلام میں زکوٰۃ نہیں ہے ۔ “