صحيح ابن خزيمه

جناب حکم بن اعرج بیان کرتے ہیں کہ میں نے سیدنا ابن عباس رضی اللہ عنہما سے سوال کیا جبکہ وہ مسجد حرام میں اپنی چادر سے ٹیک لگا کر تشریف فرما تھے ، تو میں نے اُن سے عاشوراء کے روزے کے بارے میں پوچھا ، تو اُنہوں نے فرمایا کہ گنتی کرتے رہو پھر جب تم محرم کی نو تاریخ کو صبح کرو تو روزہ رکھ لو ۔ وہ کہتے ہیں کہ میں نے عرض کی ، کیا محمد صلی اللہ علیہ وسلم اسی طرح روزہ رکھا کرتے تھے ؟ اُنہوں نے جواب دیا کہ اسی طرح آپ روزہ رکھا کرتے تھے ۔

جناب جعفر بن محمد کی سند سے مذکورہ بالا کی مثل مروی ہے ، اس میں یہ الفاظ زمزم کے قریب اپنی چادر کو تکیہ بنائے بیٹھے ہوئے تھے ۔

سیدنا ابن عباس رضی اللہ عنہما سے مروی ہے کہ انہوں نے عاشوراء کے دن کے بارے میں فرمایا کہ وہ نو تاریخ کا دن ہے ۔ میں نے عرض کیا تو کیا محمد صلی اللہ علیہ وسلم اسی طرح ( نو تاریخ کا ) روزہ رکھتے تھے ؟