صحيح ابن خزيمه

سیدنا ابوسعید اور ابوہریرہ رضی اللہ عنہما بیان کرتے ہیں کہ رسول اللہ صلی اللہ علیہ وسلم نے فرمایا : ” بیشک اللہ تعالیٰ فرماتا ہے کہ روزہ میرے لئے ہے اور میں ہی اس کا بدلہ دوںگا ۔ روزے دار کے لئے دو خوشی کے مواقع ہیں ، ① جب افطاری کرتا ہے تو خوش ہوتا ہے ۔ ② جب اللہ تعالیٰ سے ملاقات کرے گا اور وہ اسے اجر وثواب دے گا تو خوش ہوگا ۔ اس ذات کی قسم جس کے ہاتھ میں محمد کی جان ہے ، روزے دار کے مُنہ کی بُو اللہ تعالیٰ کے نزدیک مُشک کی خوشبو سے زیادہ بہتر اور اچھی ہے ۔ جناب دورقی کی روایت میں ” اس کو اجر و ثواب دے گا ـ “ کے الفاظ نہیں ہیں ـ