صحيح ابن خزيمه

جناب معدان سے روایت ہے کہ سیدنا عمر بن خطاب رضی اللہ عنہ نے جمعہ کے دن لوگوں سے خطاب فرمایا اور کہا کہ لوگو ، بیشک تم ان دو پودوں سے کھاتے ہو اور میرے نزدیک یہ دونوں بدبُودار ہیں ، ایک لہسن ہے اور دوسرا پیاز ۔ اور میں ایک آدمی کو دیکھا کرتا تھا کہ اُس کے مُنہ سے ( ان کی ) بدبُو محسوس کی جاتی تو اُس کا ہاتھ پکڑ کر اُسے بقیع کی طرف نکال دیا جاتا تھا ۔ ( لہٰذا ) جو شخص انہیں کھانا چاہے تو وہ ان کو پکا کران کی بُوختم کرلے ۔ “