صحيح ابن خزيمه

آپ صلی اللہ علیہ وسلم کی یہ مراد ہے کہ نمازی کے آگے سے گزرنے والے کے ساتھ شیطان ہے ، یہ مطلب نہیں کہ گزرنے والا انسان شیطان ہے ، اگرچہ شیطان کا لفظ نافرمان انسانوں پر بھی بول دیا جاتا ہے ، ارشاد باری تعالیٰ ہے ، « وَكَذَٰلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الْإِنسِ وَالْجِنِّ يُوحِي بَعْضُهُمْ إِلَىٰ بَعْضٍ زُخْرُفَ الْقَوْلِ غُرُورً » [ سورة الأنعام : 112 ] ” اسی طرح ہم نے انسانوں اور جنوں میں سے شیطان ، ہر نبی کے دشمن بنائے ، ان میں ہر ایک دوسرے کے کان میں چکنی چپڑِی باتیں ڈالتا رہتا ہے ۔ “

سیدنا ابن عمر رضی اللہ عنہما بیان کرتے ہیں کہ رسول اللہ صلی اللہ علیہ وسلم نے فرمایا : ” تم ضرور سُترہ رکھ کر نماز پڑھا کرو ، اور اپنے آگے سے کسی کو مت گزرنے دو ، پھر اگر وہ ( رُکنے سے ) انکار کر دے تو تم اُس کے ساتھ لڑائی کرو ، بیشک اس کے ساتھ ایک ساتھی ( شیطان ) ہے ۔ “