صحيح ابن خزيمه

اور اگر گزرنے والا روکنے کے باوجود نہ رُکے تو ہاتھ کے ساتھ اُس سے لڑائی کرنا جائز ہے ۔ اس سلسلے میں ایک مجمل غیر مفسر روایت کا بیان ۔

سیدنا ابوسعید خدری رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا : ” جب تم میں سے کوئی شخص نماز پڑھ رہا ہو تو وہ اپنے آگے سے کسی کو ہر گز نہ گزرنے دے ، پھر اگر وہ ( رُکنے سے ) انکار کر دے ( اور زبردستی آگے سے گزرنے کی کوشش کرے ) تو اُس کے ساتھ اُسے لڑنا چاہیے کیونکہ وہ شیطان ہے ۔“