صحيح ابن خزيمه

اور اس دلیل کا بیان کہ ایک ڈول پانی بہا دینے سے زمین پاک ہو جاتی ہے اگر چہ پیشاب والی جگہ کو کھود کر مسجد سے باہر پھینکا جائے جیسا که بعض عراقیوں کا خیال ہے ( کہ مٹی مسجد سے باہر پھینک دینی چاہئے ) جبکہ الله تعالی نے اپنے مومن بندوں پر انعام و احسان کیا ہے کہ میں اپنے نبی صلی اللہ علیہ وسلم کو آسانی کرنے والا، تنگی کرنے والا بنا کر مبعوث فرمایا ہے۔

سیدنا انس رضی اللہ عنہ سے روایت ہے کہ بدو نے مسجد میں پیشاب کر دیا تو کچھ لوگ ( اُسے ڈانٹنے اور روکنے کے لئے ) اُس کی طرف لپکے تو رسول اللہ صلی اللہ علیہ وسلم نے فرمایا :” اس کاپیشاب نہ روکو، پھر ایک ڈول منگوا کراُس پر بہا دیا ۔ “

سیدنا ابوہریرہ رضی اللہ عنہا سے روایت ہے کہ ایک اعرابی نے مسجد میں پیشاب کر دیا تو لوگ اُسے روکنے کے لئے اُس کی طرف دوڑے ، تو رسول اللہ صلی اللہ علیہ وسلم نے اُن سے فرمایا : ” اسے چھوڑدو، اس کے پیشاب پر پانی سے بھرا ہوا ایک ڈول ڈال دو، بیشک تمہیں آسانی کرنے والا بنا کر بھیجا گیا ہے، تنگی اور سختی کرنے والا بنا کر نہیں بھیجا گیا۔ “

امام صاحب نے مذکورہ بالا روایت اپنے کئی اسا تذہ کی سند سے بیان کی ہے ، سفیان بن حصین کی روایت میں ہے کہ بیشک تمہارے دین میں آسانی ہے ۔