صحيح ابن خزيمه

سیدنا ابوذر رضی اللہ عنہ کی روایت میں ہے تو رسول اللہ صلی اللہ علیہ وسلم نے فرمایا : ” جب آدمی امام کے ساتھ نماز پڑھتا ہے حتّیٰ کہ وہ نماز سے فارغ ہو جاتا ہے تو اُس کے لئے پوری رات کا قیام لکھا جاتا ہے ۔ “ اور ایک روایت میں آیا ہے ، تو پھر آپ صلی اللہ علیہ وسلم نے تیسری رات ہمیں قیام کرایا ، اپنے اہل وعیال اور ازواج مطہرات کو بھی جمع کیا ۔ پھر آپ صلی اللہ علیہ وسلم نے اتنا طویل قیام کیا کہ ہمیں فلاح کے چھوٹ جانے کا ڈر پیدا ہوا ۔ اور آپ کے ساتھ نماز پڑھنے والے صحابہ کرام قاری اور حافظ تھے ۔ وہ سب کے سب ان پڑھ نہیں تھے ۔