مختصر حصن المسلم

نبی اکرم صلی اللہ علیہ وسلم نے فرمایا : جب تم میں سے کوئی کھانا کھانے کا ارادہ کرے تو کہے ۔ «بسم الله» ”اللہ کے نام کے ساتھ ۔ “ اگر اسے شروع میں یاد نہ رہے تو پھر یہ کہے ۔ «بِسْمِ اللَّهِ أَوَّلَهُ وَآخِرَهُ» ”اللہ کے نام کے ساتھ اس کے شروع اور اس کے آخر میں ۔ “ [اسناده صحيح ، سنن ابي داؤد : 3867 ، سنن ترمذي : 1858 ، و اللفظ له ، سنن ابن ماجه : 3264]

”اللہ کے نبی صلی اللہ علیہ وسلم نے فرمایا : جس شخص کو اللہ تعالی کھانا کھلائے تو اسے چاہئے کہ وہ یہ کہے : «اللَّهُمَّ بَارِكْ لَنَا فِيهِ ، وَأَطْعِمْنَا خَيْرًا مِنْهُ» ”اے اللہ! ہمارے لئے اس کھانے میں برکت دے اور ہمیں اس سے بہتر کھانا کھلا ۔ “ «اللَّهُمَّ بَارِكْ لَنَا فِيهِ ، وَزِدْنَا مِنْهُ» اے اللہ! ہمارے لئے اس میں برکت ڈال اور ہمیں اس سے زیادہ عطا کر ۔“ [اسناده ضعيف ، سنن ابي داؤد : 3730 ، سنن ترمذي : 3455]