الفتح الربانی

فوائد: … نبی کریم صلی اللہ علیہ وآلہ وسلم نے درج ذیل افراد کو قتل کرنے کا حکم دیا تھا۔
عبدا للہ بن سعد، عبد اللہ بن خطل اور اس کی دو مغنّیہ خواتین قُریبہ اور فرتنی، حویرث بن نقیذ بن وہب،مقیس بن صبابہ، سارہ، عکرمہ بن ابی جہل
عبد اللہ بن خطل کا تعلق بنو تیم بن غالب سے تھا، اس کا نام عبد العزی تھا، ممکن ہے کہ جب یہ مسلمان ہوا ہو تو اس کا نام عبد اللہ رکھ دیا گیا ہو، جب یہ مسلمان ہوا تو رسول اللہ صلی اللہ علیہ وآلہ وسلم نے اس کوزکوۃ وصول کرنے کے لیے بھیجا اور اس کے ساتھ ایک انصاری کو بھی بھیجا، لیکن اس کو انصاری پر غصہ آ گیا اور پھر اس کو قتل کر کے مرتد ہو گیا، اس کی دو مغنّیہ تھیں، فرتنی اور قریبہ،یہ دونوں رسول اللہ صلی اللہ علیہ وآلہ وسلم اور مسلمانوں کی ہجو کرتی تھیں، آپ صلی اللہ علیہ وآلہ وسلم نے ابن خطل اور اس کی دونوں کنیزوں کو قتل کرنے کا حکم دیا، جب صحابہ اس تک پہنچے تو یہ کعبہ کے پردوں کے ساتھ لٹکا ہوا تھا۔ سیدنا ابو برزہ اسلمی اور سیدنا سعید بن حریث مخزومی نے اس کو قتل کیا اور اس کی کنیزاؤں میں سے صرف قُریبہ قتل ہو سکی۔
ان میں سے عبد اللہ بن سعد، فرتنی اور عکرمہ بن ابی جہل مسلمان ہو گئے تھے اور سارہ کے لیے بھی آپ صلی اللہ علیہ وآلہ وسلم سے امان لے لی گئی تھی، باقی افراد کو قتل کر دیا گیا۔
کوئی قریشی اس طرح قتل نہیں ہو گا۔ اس سے مراد یہ ہے کہ تمام قریشی مسلمان ہو جائیں گے اور ان میں سے کوئی بھی مرتد نہیں ہو گا، اس کا یہ معنی نہیں کہ کسی قریشی کو ظلماً قتل نہیں کیا جائے گا، کیونکہ ایسا تو قریش کے ساتھ ہوتا رہا۔

فوائد: … دیکھیں حدیث نمبر (۵۱۳۶)