الفتح الربانی

فوائد: … یہ حدیث ضعیف ہے اور کوئی ایسی صحیح حدیث نہیں ہے، جو اس بات پر دلالت کرے کہ چور کا کٹا ہوا ہاتھ اس کی گردن میں لٹکا دیا جائے۔ واللہ اعلم بالصواب
سیدنا حارث بن حاطب رضی اللہ عنہ سے مروی ہے، وہ کہتے ہیں: اِنَّ رَسُولَ اللّٰہِV أُتِیَ بِلِصٍّ فَقَالَ: ((اقْتُلُوہُ))
فَقَالُوا: یَا رَسُولَ اللّٰہِ! إِنَّمَا سَرَقَ، فَقَالَ: ((اُقْتُلُوہُ)) قَالُوا: یَا رَسُولَ اللّٰہِ! إِنَّمَا سَرَقَ، قَالَ: ((اِقْطَعُوا یَدَہُ)) قَالَ ثُمَّ سَرَقَ فَقُطِعَتْ رِجْلُہُ ثُمَّ سَرَقَ عَلَی عَہْدِ أَبِی بَکْرٍ رضی اللہ عنہ حَتّٰی قُطِعَتْ قَوَائِمُہُ کُلُّہَا ثُمَّ سَرَقَ أَیْضًا الْخَامِسَۃَ فَقَالَ أَبُو بَکْرٍ رضی اللہ عنہ: کَانَ رَسُولُ اللّٰہِV أَعْلَمَ بِہٰذَا حِینَ قَالَ ((اُقْتُلُوہُ)) ثُمَّ دَفَعَہُ إِلَی فِتْیَۃٍ مِنْ قُرَیْشٍ لِیَقْتُلُوہُ مِنْہُمْ عَبْدُ اللّٰہِ بْنُ الزُّبَیْرِ وَکَانَ یُحِبُّ الْإِمَارَۃَ فَقَالَ أَمِّرُونِی عَلَیْکُمْ فَأَمَّرُوہُ عَلَیْہِمْ، فَکَانَ إِذَا ضَرَبَ ضَرَبُوہُ حَتّٰی قَتَلُوہُ۔ رسول اللہ صلی اللہ علیہ وسلم کے پاس ایک چور لایا گیا، آپ صلی اللہ علیہ وسلم نے فرمایا: ’’اس کو قتل کردو۔‘‘ صحابہ نے کہا: اے اللہ کے رسول! اس نے تو چوری کی ہے، آپ صلی اللہ علیہ وسلم نے پھر فرمایا: ’’اس کو قتل کر دو۔‘‘ انھوں نے کہا: اے اللہ کے رسول! اس نے چوری کی ہے، آپ صلی اللہ علیہ وسلم نے فرمایا: ’’تو پھر اس کا ہاتھ کاٹ دو۔‘‘ اس نے پھر چوری کی تو اس کا پاؤں کاٹ دیا گیا، پھر اس نے سیدنا ابوبکر رضی اللہ عنہ کے زمانے میں چوریاں کیں،یہاں تک کہ اس کے تمام ہاتھ پاؤں کو کاٹ دیا گیا، پھر جب اس نے پانچویں بار چوری کی تو سیدنا ابو بکر رضی اللہ عنہ نے کہا: جب رسول اللہ صلی اللہ علیہ وسلم نے اس کو قتل کرنے کی بات کی تھی تو آپ صلی اللہ علیہ وسلم اس کو زیادہ جاننے والے تھے، پھر سیدنا ابو بکر رضی اللہ عنہ نے اس چور کو قریشی نوجوانوں کے سپرد کیا، تاکہ وہ اس کو قتل کر دیں، ان میں سیدنا عبد اللہ بن زبیر رضی اللہ عنہ بھی تھے، جو کہ امارت کو پسند کرتے تھے، اس لیے انھوں نے ان نوجوانوں سے کہا: تم اس معاملے میں مجھے اپنا امیر بناؤ، پس انھوں نے اس کو امیر بنایا، پس جب وہ ضرب لگاتا تو تب دوسرے نوجوان ضرب لگاتے، یہاں تک کہ انھوں نے اس کو قتل کر دیا۔ (نسائی:۴۹۸۰)
آپ صلی اللہ علیہ وسلم کے فرمان ’’اس کو قتل کر دو‘‘ سے آپ کا مقصود یہ نہ تھا کہ اس کو واقعی قتل کر دیا جائے، بلکہ یہ آپ صلی اللہ علیہ وسلم کی پیش گوئی تھی کہ اس کا انجام کار قتل ہو گا، جو اس کے حق میں پوری ہوئی،یہ بھی ممکن ہے کہ آپ صلی اللہ علیہ وسلم کو بذریعۂ وحی بتا دیا گیا ہو کہ یہ شخص باز نہیں آئے گا اور بالآخر اسے قتل کرنا پڑے گا۔صحابۂ کرام e نے آپ صلی اللہ علیہ وسلم کے حکم کی تعمیل میں تردد اس لیے کیا کہ آپ صلی اللہ علیہ وسلم نے خود چور کی سزا ہاتھ کاٹنا بتائی تھی،یہ بھی ممکن ہے کہ وہ آپ صلی اللہ علیہ وسلم کے اندازِ گفتگو سے یہ اندازہ لگا رہے ہوں کہ آپ صلی اللہ علیہ وسلم کا مقصود قتل نہیں ہے۔ پہلی چوری پر چور کا دایاں ہاتھ کاٹا جائے گا، اس کے بعد جمہور اہل علم کے نزدیک دوسری چوری پر بایاں پاؤں، تیسری چوری پر بایاں ہاتھ اور چوتھی چوری پر دایاں پاؤں کاٹ دیا جائے گا، اگروہ پانچویں بار چوری کرے تو اس کے بارے میں دو آراء ہیں، ایک کہ اس کو قتل کر دیا جائے گا، جیسا کہ سیدنا ابوبکر رضی اللہ عنہ نے کیا اور دوسری کہ اس کو جیل میں ڈال دیا جائے گا۔ واللہ اعلم بالصواب! چور کا ہاتھ اس کی کلائی سے کاٹا جائے گا۔