الفتح الربانی

ثابت بن اسلم بنانی رحمہ اللہ کہتے ہیں: میں عبدالرحمن بن ابو لیلی رحمہ اللہ کے ساتھ مسجد میں بیٹھا ہوا تھا، پس ایک موٹا سا آدمی آیا اور اس نے کہا: ”اے ابو عیسی (عبدالرحمن)!“ انہوں نے کہا: ”جی ہاں،“ اس نے کہا: ”تم نے فراء کے بارے جو کچھ سنا ہے، وہ بیان کرو،“ پس انہوں نے کہا: ”میں نے اپنے باپ سے سنا، انہوں نے کہا: میں رسول اللہ صلی اللہ علیہ وسلم کے پاس بیٹھا ہوا تھا کہ ایک آدمی آیا اور اس نے کہا: اے اللہ کے رسول! کیا میں فراء میں نماز پڑھ سکتا ہوں؟“ آپ صلی اللہ علیہ وسلم نے فرمایا: ”تو پھر رنگنے کا کیا فائدہ ہوا؟“ جب وہ چلا گیا تو میں (ثابت) نے کہا: ”یہ آدمی کون تھا؟“ عبدالرحمن نے کہا: ”یہ سوید بن غفلہ رضی اللہ عنہ تھے۔“