الفتح الربانی

فوائد: … سیدنا خوات بن جبیر رضی اللہ عنہ کہتے ہیں: مَاتَ رَجُلٌ، وَأَوْصٰی إِلٰیَّ، فَکَانَ فِیْمَا أَوْصٰی بِہٖ أُمُّ وَلَدِہِ، وَامْرَأَۃٌ حُرَّۃٌ، فَوَقَعَ بَیْنَ أُمِّ الْوَلَدِ وَالْمَرْأَۃِ کَلَامٌ، فَقَالَتْ لَہُ الْمَرْأَۃُ: یَا لُکَعاً! غَداً یُؤْخَذُ بِأُذُنِکِ فَتُبَاعِیْنَ فِی السُّوْقِ! فَذَکَرَتْ ذٰلِکَ لِرَسُوْلِ اللّٰہِ صلی اللہ علیہ وآلہ وسلم فَقَالَ: ((لَاتُبَاعُ أُمُّ الْوَلَدِ۔)) … ایک آدمی فوت ہوگیا، اس نے مجھے جس مال کے بارے میں وصیت کی تھی، اس میں اس کی ام ولد اور آزاد بیوی بھی تھی۔ ام ولد اور بیوی کے مابین جھگڑ اہونے لگا۔ بیوی نے کہا: او کمینی عورت! کل کلاں تیرا کان پکڑ کر تجھے بازار میں فروخت کر دیا جائے گا۔ اس نے یہ بات رسول اللہ صلی اللہ علیہ وآلہ وسلم کو بتلا دی، آپ صلی اللہ علیہ وآلہ وسلم نے فرمایا: ام ولد کو فروخت نہیں کیا جائے گا۔ (معجم کبیر للطبرانی: ۱/ ۲۰۸/ ۱،۲، صحیحہ: ۲۴۱۷)