الفتح الربانی

فوائد: … امام ابو حنیفہ کا بھی یہی مسلک ہے، لیکن یہ رائے مرجوح ہے، کیونکہ شریعت نے نجاست سے مطلق طور پر بچنے کا حکم دیا ہے۔
ایک درہم والی روایت اور اس کی حقیقت: سیدنا ابوہریرہؓ سے مروی ہے کہ رسول اللہ صلی اللہ علیہ وآلہ وسلم نے فرمایا: ((تُعَادُ الصَّلَاۃُ مِنْ قَدَرِ الدِّرْھَمِ مِنَ الدَّمِ۔)) وَفِیْ لَفْظٍ: ((اِذَا کَانَ فِیْ الثَّوْبِ قَدَرُ الدِّرْھَمِ مِنَ الدَّمِ غُسِلَ الثَّوْبُ وَاُعِیْدَتِ الصَّلَاۃُ)) … خون کی ایک درہم کی مقدار کی وجہ سے نماز لوٹائی جائے گی۔ ایک روایت میں ہے: جب کپڑے کو لگا ہوا خون ایک درہم کے بقدر ہو جائے گا تو کپڑے کو دھوکر نماز لوٹائی جائے گی۔ (سنن دارقطنی)
امام بخاری نے کہا: یہ حدیث باطل ہے، امام ابن حبان نے کہا: یہ حدیث بلا شک وشبہ من گھڑے ہے، رسول اللہ صلی اللہ علیہ وآلہ وسلم نے یہ بات بیان نہیں کی، اہل کوفہ نے اس کو گھڑ لیا۔ اس کی سند کا راوی روح بن غطیف، ثقات سے موضوع روایات بیان کرتا تھا۔ (ملاحظہ ہو: نصب الرایۃ: ۱/ ۲۱۲)