الفتح الربانی

فوائد: … اس موضوع سے متعلقہ ایک حدیث درج ذیل ہے: سیدنا ابوسعید خدری رضی اللہ عنہ روایت کرتے ہیں کہ رسول اللہ صلی اللہ علیہ وآلہ وسلم نے فرمایا: ((یَقُولُ اللّٰہُ تَعَالٰی یَا آدَمُ فَیَقُولُ لَبَّیْکَ وَسَعْدَیْکَ وَالْخَیْرُ فِی یَدَیْکَ فَیَقُولُ أَخْرِجْ بَعْثَ النَّارِ قَالَ وَمَا بَعْثُ النَّارِ قَالَ مِنْ کُلِّ أَلْفٍ تِسْعَ مِائَۃٍ وَتِسْعَۃً وَتِسْعِینَ فَعِنْدَہُ یَشِیبُ الصَّغِیرُ وَتَضَعُ کُلُّ ذَاتِ حَمْلٍ حَمْلَہَا وَتَرَی النَّاسَ سُکَارٰی وَمَا ہُمْ بِسُکَارٰی وَلٰکِنَّ عَذَابَ اللّٰہِ شَدِیدٌ۔)) قَالُوا: یَا رَسُولَ اللّٰہِ! وَأَیُّنَا ذٰلِکَ الْوَاحِدُ قَالَ: ((أَبْشِرُوا فَإِنَّ مِنْکُمْ رَجُلًا وَمِنْ یَأْجُوجَ وَمَأْجُوجَ أَلْفًا۔)) ثُمَّ قَالَ: ((وَالَّذِی نَفْسِی بِیَدِہِ إِنِّی أَرْجُو أَنْ تَکُونُوا رُبُعَ أَہْلِ الْجَنَّۃِ۔)) فَکَبَّرْنَا فَقَالَ: ((أَرْجُو أَنْ تَکُونُوا ثُلُثَ أَہْلِ الْجَنَّۃِ۔)) فَکَبَّرْنَا فَقَالَ: ((أَرْجُو أَنْ تَکُونُوا نِصْفَ أَہْلِ الْجَنَّۃِ۔)) فَکَبَّرْنَا فَقَالَ: ((مَا أَنْتُمْ فِی النَّاسِ إِلَّا کَالشَّعَرَۃِ السَّوْدَائِ فِی جِلْدِ ثَوْرٍ أَبْیَضَ أَوْ کَشَعَرَۃٍ بَیْضَائَ فِی جِلْدِ ثَوْرٍ أَسْوَدَ۔)) … اللہ تعالیٰ (قیامت کے روز) فرمائے گا: اے آدم! وہ عرض کریں گے: جی میں حاضر ہوں اور شرف یاب ہوں اور ہر طرح کی بھلائی سب تیرے ہاتھ میں ہے، اللہ فرمائے گا: دوزخ میں جانے والا لشکر نکالو، وہ عرض کریں گے: دوزخ کا کتنا لشکر ہے؟ اللہ فرمائے گا: ایک ہزار میں سے نو سو ننانوے دوزخ میں اور ایک جنت میں جائے گا، پس وہ ایسا وقت ہوگا کہ (خوف کے مارے) بچے بوڑھے ہو جائیں گے اور ہر حاملہ کا حمل گر جائے گا اور تو لوگوں کو نشہ کی حالت میں دیکھو گے حالانکہ وہ نشہ میں نہ ہونگے بلکہ اللہ کا عذاب سخت ہوگا۔ صحابہ نے عرض کیا: یا رسول اللہ (جنت میں فی ہزار ایک جانے والا) ہم میں سے کون ہوگا؟ آپ صلی اللہ علیہ وآلہ وسلم نے فرمایا: خوش ہو جاؤ، کیونکہ تم میں سے ایک آدمی ہوگا اور یاجوج ماجوج میں سے ایک ہزار۔ پھر آپ صلی اللہ علیہ وآلہ وسلم نے فرمایا: قسم ہے اس ذات کی جس کے ہاتھ میں میری جان ہے، مجھے امید ہے کہ تم اہل جنت کا چوتھا حصہ ہو گے۔ ہم لوگوں نے اللہ اکبر کہا، پھر آپ صلی اللہ علیہ وآلہ وسلم نے فرمایا: مجھے امید ہے کہ تم اہل جنت کا تہائی حصہ ہو گے۔ ہم نے پھر تکبیر کہی، پھر آپ صلی اللہ علیہ وآلہ وسلم نے فرمایا: مجھے امید ہے کہ تم اہل جنت کا نصف حصہ ہو گے (یعنی نصف تم اور نصف دوسرے لوگ)۔ ہم نے پھر تکبیر کہی، آپ صلی اللہ علیہ وآلہ وسلم نے فرمایا: تم تو اور لوگوں کے مقابلہ میں ایسے ہو جیسے سیاہ بال سفید بیل کے جسم پر یا سفید بال سیاہ بیل کے جسم پر۔ (صحیح بخاری، صحیح مسلم)