فضائل الصحابة
فضائل عبد الله بن عباس رضي الله عنه— سیدنا عبداللہ بن عباس رضی اللہ عنہما کے فضائل کا بیان۔
(بَابٌ مِنْ أَخْبَارِ ابْنِ عَبَّاسٍ) باب: (سیدنا ابن عباس رضی اللہ عنہما کے بعض احوال کا بیان)۔
حَدَّثَنَا عَبْدُ اللَّهِ ، قَالَ: وَجَدْتُ فِي كِتَابِ أَبِي بِخَطِّ يَدِهِ، حُدِّثْنَا عَنْ هُشَيْمٍ ، قَالَ: أَنَا خَالِدُ بْنُ صَفْوَانَ ، عَنْ زَيْدِ بْنِ عَلِيٍّ ، أَنَّ طَلْحَةَ ، قَالَ: لِابْنِ عَبَّاسٍ هَلْ لَكَ فِي الْمُنَاحَبَةِ قَالَ: نَعَمْ فَتَحَاكَمَا إِلَى كَعْبٍ فَقَالَ لَهُمَا كَعْبٌ: "أَمَّا أَنْتُمْ مَعَاشِرَ قُرَيْشٍ أَعْلَمُ بِأَحْسَابِكُمْ، وَأَمَّا أَنَا فَإِنِّي أَجِدُ فِي الْكُتُبِ أَنَّ اللَّهَ لَمْ يَبْعَثْ نَبِيًّا، إِلَّا مِنْ خَيْرٍ مَنْ هُوَ مِنْهُ، حَتَّى يَبْلُغَ الْأَخَوَيْنِ، فَيَكُونُ مِنْ خَيْرِهِمَا" فَقَضَى لِابْنِ عَبَّاسٍ. زید بن علی رحمہ اللہ سے روایت ہے کہ سیدنا طلحہ رضی اللہ عنہ نے سیدنا ابن عباس رضی اللہ عنہما سے دریافت کیا: ”کیا آپ حسب و نسب کے تفاخر کے مقابلے کے لیے تیار ہیں؟“ انہوں نے جواب دیا: ”جی ہاں۔“ چنانچہ وہ دونوں (فیصلے کے لیے) کعب رحمہ اللہ کے پاس گئے تو کعب رحمہ اللہ نے ان سے کہا: ”اے گروہِ قریش! تم لوگ اپنے حسب و نسب کو (مجھ سے) زیادہ جانتے ہو، البتہ میں نے (قدیم) کتابوں میں یہ پایا ہے کہ اللہ تعالیٰ نے کوئی بھی نبی ﷺ مبعوث نہیں فرمایا مگر اسے اس کے نسب کے بہترین لوگوں میں سے ہی منتخب کیا، یہاں تک کہ جب (سلسلہ نسب) دو بھائیوں تک پہنچا تو وہ ان دونوں میں سے بھی بہتر (کی نسل) سے ہوا۔“ پس انہوں نے سیدنا ابن عباس رضی اللہ عنہما کے حق میں فیصلہ دے دیا۔