فضائل الصحابة
فضائل عبد الله بن عباس رضي الله عنه— سیدنا عبداللہ بن عباس رضی اللہ عنہما کے فضائل کا بیان۔
(بَابُ عِبَادَةِ ابْنِ عَبَّاسٍ وَوَرَعِهِ وَبُكَائِهِ) باب: (سیدنا ابن عباس رضی اللہ عنہما کی عبادت، تقویٰ اور گریہ کا بیان)۔
حدیث نمبر: 1850
حَدَّثَنَا عَبْدُ اللَّهِ ، قَالَ: حَدَّثَنِي أَبِي ، قَثَنَا سُفْيَانُ بْنُ عُيَيْنَةَ ، قَثَنَا ابْنُ أَبِي حُسَيْنٍ ، قَالَ: أَبْصَرَ ابْنَ عَبَّاسٍ رَجُلٌ وَهُوَ دَاخِلٌ الْمَسْجِدَ قَالَ: مَنْ هَذَا؟ قَالُوا: هَذَا ابْنُ عَبَّاسٍ ابْنُ عَمِّ رَسُولِ اللَّهِ صَلَّى اللهُ عَلَيْهِ وَسَلَّمَ قَالَ: (اللَّهُ أَعْلَمُ حَيْثُ يَجْعَلُ رِسَالَاتِهِ)ترجمہ
ابن ابی حسین رحمہ اللہ بیان کرتے ہیں کہ ایک شخص نے سیدنا ابن عباس رضی اللہ عنہما کو اس حال میں دیکھا کہ وہ مسجد میں داخل ہو رہے تھے، تو اس نے پوچھا: ”یہ کون ہیں؟“ لوگوں نے بتایا: ”یہ سیدنا ابن عباس رضی اللہ عنہما ہیں، جو رسول اللہ ﷺ کے چچا زاد بھائی ہیں۔“ اس پر اس شخص نے کہا: ﴿اللَّهُ أَعْلَمُ حَيْثُ يَجْعَلُ رِسَالَاتِهِ﴾ ”اللہ ہی بہتر جانتا ہے کہ اسے اپنی پیغامبری (کا منصب) کہاں رکھنا ہے۔“