فضائل الصحابة
فضائل العرب— عربوں کے فضائل کا بیان۔
(بَابُ أَشْعَرِ الْعَرَبِ) باب: (عربوں کے سب سے بڑے شاعر کا بیان)۔
حدیث نمبر: 1513
حَدَّثَنَا عَبْدُ اللَّهِ ، قَالَ: حَدَّثَنِي أَبِي، قَثَنَا رَوْحٌ ، قَثَنَا شُعْبَةُ ، قَثَنَا قَتَادَةُ ، قَالَ: قَالَ مُعَاوِيَةُ لِأَصْحَابِهِ "مَنْ أَشْعَرُ الْعَرَبِ؟" قَالَ: قَالُوا: بَنُو فُلَانٍ قَالَ: إِنَّ أَشْعُرَ الْعَرَبِ لِلزُّرْقِ مِنْ بَنِي قَيْسِ بْنِ ثَعْلَبَةَ فِي أُصُولِ الْعَرْفَجِ قَالُوا: ثُمَّ مَنْ؟ قَالَ: ثُمَّ الصُّفْرُ مِنْ بَنِي النَّجَّارِ الْمُتَفَرِّقَةُ أَعْضَادُهُمْ فِي أُصُولِ الْفَسِيلِ.ترجمہ
قتادہ رحمہ اللہ بیان کرتے ہیں کہ سیدنا معاویہ رضی اللہ عنہ نے اپنے ساتھیوں سے دریافت فرمایا: ”عربوں کا سب سے بڑا شاعر کون ہے؟“
انہوں نے عرض کیا: ”فلاں (قبیلے کے لوگ)۔“
آپ رضی اللہ عنہ نے فرمایا: ”بلاشبہ عربوں کے سب سے بڑے شاعر بنو قیس بن ثعلبہ کے وہ نیلی آنکھوں والے لوگ ہیں جو «عرفج» (صحرائی جھاڑی) کی جڑوں میں رہتے ہیں۔“
ان لوگوں نے پوچھا: ”پھر اس کے بعد کون؟“
آپ رضی اللہ عنہ نے فرمایا: ”پھر بنو نجار کے وہ زردی مائل رنگت والے لوگ جن کے جتھے کھجور کے پودوں کی جڑوں میں بکھرے ہوئے ہیں۔“