فضائل الصحابة
أخبار أمير المؤمنين علي بن أبي طالب وزهده رضوان الله عليه— امیر المومنین سیدنا علی بن ابی طالب رضی اللہ عنہ کے حالات اور ان کے زہد کا بیان۔
مِنْ فَضَائِلِ عَلِيٍّ رَضِيَ اللَّهُ عَنْهُ مِنْ حَدِيثِ أَبِي بَكْرِ بْنِ مَالِكٍ عَنْ شُيُوخِهِ غَيْرِ عَبْدِ اللَّهِ باب: سیدنا علی رضی اللہ عنہ کے فضائل کا بیان، ابوبکر بن مالک (القطیعی) کی عبداللہ (بن احمد) کے علاوہ دیگر شیوخ سے روایات میں سے۔
حَدَّثَنَا عَبْدُ اللَّهِ ، نَا أَبِي، نَا رَوْحٌ ، نَا عَلِيُّ بْنُ سُوَيْدِ بْنِ مَنْجُوفٍ ، عَنْ عَبْدِ اللَّهِ بْنِ بُرَيْدَةَ ، عَنْ أَبِيهِ قَالَ: بَعَثَ رَسُولُ اللَّهِ صَلَّى اللهُ عَلَيْهِ وَسَلَّمَ عَلِيًّا إِلَى خَالِدِ بْنِ الْوَلِيدِ لِيَقْسِمَ الْخُمُسَ - وَقَالَ رَوْحٌ مَرَّةً: لِيَقْبِضَ بَعْضَ الْخُمُسِ - قَالَ: فَأَصْبَحَ عَلِيٌّ وَرَأْسُهُ يَقْطُرُ، فَقَالَ خَالِدٌ لِبُرَيْدَةَ: أَلَا تَرَى مَا يَصْنَعُ هَذَا، أَوْ مَا صَنَعَ هَذَا؟ قَالَ: فَلَمَّا رَجَعْتُ إِلَى النَّبِيِّ صَلَّى اللهُ عَلَيْهِ وَسَلَّمَ أَخْبَرْتُهُ بِمَا صَنَعَ عَلِيٌّ ، قَالَ: وَكُنْتُ أُبْغِضُ عَلِيًّا ، قَالَ: فَقَالَ: "يَا بُرَيْدَةُ ، أَتُبْغِضُ عَلِيًّا؟" ، قَالَ: قُلْتُ: نَعَمْ، قَالَ: "لَا تُبْغِضْهُ" - قَالَ رَوْحٌ مَرَّةً: فَأَحِبَّهُ - فَإِنَّ لَهُ فِي الْخُمُسِ أَكْثَرُ مِنْ ذَلِكَ ".سیدنا بریدہ رضی اللہ عنہ سے روایت ہے کہ رسول اللہ ﷺ نے سیدنا علی رضی اللہ عنہ کو سیدنا خالد بن ولید رضی اللہ عنہ کی طرف بھیجا تاکہ وہ خمس (مالِ غنیمت کا پانچواں حصہ) تقسیم کریں — اور روح رحمہ اللہ نے ایک مرتبہ (یہ الفاظ) کہے: «لِيَقْبِضَ بَعْضَ الْخُمُسِ» ”تاکہ وہ خمس کا کچھ حصہ وصول کریں“ — وہ بیان کرتے ہیں کہ پھر صبح ہوئی تو سیدنا علی رضی اللہ عنہ کے سر مبارک سے (غسل کے باعث) پانی ٹپک رہا تھا، تو سیدنا خالد رضی اللہ عنہ نے سیدنا بریدہ رضی اللہ عنہ سے کہا: ”کیا تم نہیں دیکھتے کہ یہ کیا کر رہے ہیں؟“ یا ”انہوں نے کیا کیا؟“
وہ فرماتے ہیں کہ جب میں نبی کریم ﷺ کی خدمت میں واپس حاضر ہوا تو میں نے آپ ﷺ کو اس عمل کی خبر دی جو سیدنا علی رضی اللہ عنہ نے کیا تھا، وہ فرماتے ہیں کہ میں (اس وقت) سیدنا علی رضی اللہ عنہ سے بغض رکھتا تھا، وہ بیان کرتے ہیں کہ پھر آپ ﷺ نے فرمایا: ”اے بریدہ! کیا تم علی سے بغض رکھتے ہو؟“ میں نے عرض کیا: جی ہاں! آپ ﷺ نے فرمایا: ”ان سے بغض نہ رکھو“ — روح رحمہ اللہ نے ایک مرتبہ (یہ الفاظ) کہے: ”پس ان سے محبت کرو“ — ”کیونکہ خمس میں ان کا حق اس سے بھی کہیں زیادہ ہے۔“