سنن الدارقطني

سیدنا حجاج بن عمرو انصاری رضی اللہ عنہ بیان کرتے ہیں: نبی کریم صلی اللہ علیہ وسلم نے یہ بات ارشاد فرمائی ہے: ”جو شخص زخمی یا معذور ہو جائے، تو وہ احرام کھول دے گا اور اس پر اگلے سال حج کرنا واجب ہو گا۔“ عکرمہ بیان کرتے ہیں: میں نے سیدنا ابوہریرہ رضی اللہ عنہ اور سیدنا عبداللہ بن عباس رضی اللہ عنہما سے اس بارے میں دریافت کیا، تو ان دونوں نے جواب دیا: یہ ٹھیک بیان کیا ہے۔

سیدنا عبداللہ بن عمر رضی اللہ عنہما بیان کرتے ہیں: نبی کریم صلی اللہ علیہ وسلم نے یہ بات ارشاد فرمائی ہے: ”جو شخص حج کرے اور میرے وصال کے بعد میری قبر کی زیارت کے لیے آئے، تو گویا وہ میری زندگی میں میری زیارت کے لیے آیا۔“

سیدنا حاطب رضی اللہ عنہ بیان کرتے ہیں: نبی کریم صلی اللہ علیہ وسلم نے یہ بات ارشاد فرمائی ہے: ”جو شخص میرے انتقال کے بعد میری زیارت کے لیے آئے، تو گویا وہ میری زندگی میں میری زیارت کے لیے آیا، اور جو شخص مکہ یا مدینہ میں سے کسی ایک جگہ فوت ہو، وہ قیامت کے دن ایمان لانے والوں کے ساتھ زندہ کیا جائے گا۔“

سیدنا عبداللہ بن عمر رضی اللہ عنہما بیان کرتے ہیں: نبی کریم صلی اللہ علیہ وسلم نے یہ بات ارشاد فرمائی ہے: ”جو شخص میری قبر کی زیارت کرے گا، اس کے لیے میری شفاعت واجب ہو جائے گی۔“