سنن الدارقطني

سیدنا ابودرداء رضی اللہ عنہ بیان کرتے ہیں: ایک مرتبہ نبی کریم صلی اللہ علیہ وسلم کو قے آ گئی، تو آپ نے روزہ توڑ دیا۔ راوی بیان کرتے ہیں: بعد میں میری ملاقات دمشق کی جامع مسجد میں نبی کریم صلی اللہ علیہ وسلم کے آزاد کردہ غلام سیدنا ثوبان رضی اللہ عنہ سے ہوئی، تو میں نے انہیں بتایا: سیدنا ابودرداء رضی اللہ عنہ نے مجھے یہ بات بتائی ہے، ایک مرتبہ نبی کریم صلی اللہ علیہ وسلم کو قے آ گئی تھی، آپ صلی اللہ علیہ وسلم نے روزہ توڑ لیا تھا۔ سیدنا ثوبان رضی اللہ عنہ نے فرمایا: انہوں نے ٹھیک کہا، میں نے نبی کریم صلی اللہ علیہ وسلم کو وضو کروایا تھا۔ اس روایت کے ایک راوی کا نام ایک قول کے مطابق معدان بن ابوطلحہ ہے اور ایک قول کے مطابق معدان بن طلحہ ہے۔

سیدنا فضالہ بن عبید رضی اللہ عنہ بیان کرتے ہیں: ایک مرتبہ نبی کریم صلی اللہ علیہ وسلم نے روزہ رکھا ہوا تھا، آپ کو قے آ گئی، تو آپ نے روزہ توڑ دیا، آپ سے اس بارے میں دریافت کیا گیا، تو آپ صلی اللہ علیہ وسلم نے فرمایا: ”میں نے قے کر لی تھی۔“