مجموعه ضعيف احاديث

” رسول اللہ صلی اللہ علیہ وسلم نے فرمایا : جس نے صبح کے وقت یہ دعا پڑھی اس نے اس دن کا شکر ادا کر دیا اور جس نے شام کے وقت اسے پڑھا اس نے رات کا شکر ادا کر دیا ۔ “

” رسول اللہ صلی اللہ علیہ وسلم نے فرمایا : جو شخص صبح یا شام کے وقت ایک مرتبہ یہ دعا پڑھے گا : «اللهم انى اصبحت اشهدك واشهد حملة عرشك و ملائكتك و جميع خلقك ، أنت الله لا اله الا انت وأن محمدا عبدك ورسولك» اللہ تعالیٰ اس کا چو تھا حصہ جہنم سے آزاد کر دیں گے ، جو شخص یہ دعا دو مرتبہ پڑھے گا تو اللہ تعالیٰ اس کا نصف حصہ جہنم سے آزاد کر دیں گے اور جو تین مرتبہ پڑھے گا اللہ تعالیٰ اس کی تین چوتھائی حصہ آزاد کر دیں گے اور اگر کوئی چار مرتبہ پڑھے گا تو اللہ تعالیٰ اس (مکمل طور پر) جہنم سے آزاد کر دیں گے ۔ “

” رسول اللہ صلی اللہ علیہ وسلم نے فرمایا : جو شخص صبح کے وقت ان آیات کو پڑھے گا : «فسبحان الله حين تمسون وحين تصبحون ، وله الحمد فى السموات والارض وعشيا وحين تظهرون ، يخرج الحي من الميت ويخرج الميت من الحي ويحي الارض بعد موتها وكذلك تخرجون» تو جو خیر و برکت اس سے اس دن فوت ہو چکی ہے وہ اس کو پا لے گا اور جو شخص ان آیات کو شام کے وقت پڑھے گا تو وہ خیر و برکت جو اس سے فوت ہو چکی ہے اس کو پائے گا ۔ “

” رسول اللہ صلی اللہ علیہ وسلم نے فرمایا : جو شخص یہ دعا صبح کو پڑھے گا تو شام تک محفوظ ہو جائے گا اور جو شام کو پڑھے وہ صبح تک محفوظ ہو جائے گا ۔ «سبحان الله وبحمده لا قوة الا بالله ما شاء الله كان وما لم يشأ لم يكن»۔ “

” رسول اللہ صلی اللہ علیہ وسلم نے فرمایا ، جو شخص صبح کے وقت تین مرتبہ «اعوز بالله السميع العليم من الشيطان الرجيم» پڑھ کر سورۃ الحشر کی آخری تین آیات تلاوت کرے گا تو اللہ تعالیٰ اس کے ساتھ ستر ہزار فرشتے مقرر فرما دے گا جو اس کے لیے شام تک دعا کرتے رہیں گے اور اگر وہ اس دن میں فوت ہو گیا تو اسے شہادت کا درجہ نصیب ہو گا اور جو شخص اس طرح شام کو کہے گا تو (صبح تک) اس کے ساتھ اسی طرح کیا جائے گا ۔ “

” رسول اللہ صلی اللہ علیہ وسلم نے فرمایا : جس دن بھی بندے صبح کرتے ہیں ایک (اللہ تعالیٰ کا) منادی بلند آواز سے کہتا ہے کہ «سبحان الملك القدوس» اور ایک روایت میں ہے کہ ہر صبح ایک آواز لگانے والا آواز لگاتا ہے کہ اے تمام مخلوقات ! (اللہ) الملک القدوس کی تسبیح بیان کرو ۔ “

” ایک روایت میں ہے کہ رسول اللہ صلی اللہ علیہ وسلم صبح کے وقت یہ کلمات کہا کرتے تھے ، «أصبحنا وأصبح الملك لله والحمد لله والكبرياء والعظمة لله والخلق والأمر واليل والنهار وما سكن فيهما لله ، اللهم اجعل أول هذا النهار صلاحا و أوسطه نجاحا واخره فلاحا ، يا أرحم الراحمين» “

” رسول اللہ صلی اللہ علیہ وسلم صبح و شام یہ دعا پڑھا کرتے تھے «اللَّهُمَّ إِنِّي أَسْأَلُكَ مِنْ فَجْأَةِ الْخَيْرِ ، وَأَعُوذُ بِكَ مِنْ فَجْأَةِ الشَّرِّ» ۔ “

” آفات و مصائب سے بچنے کے لیے رسول اللہ صلی اللہ علیہ وسلم نے ایک آدمی کو صبح کے وقت پڑھنے کے لیے یہ دعا سکھائی : «باسم الله على نفسى وأهلي ومالي فانه لا يذهب لك شىء» ۔ “

” ایک روایت میں ہے کہ جو شخص جمعہ کے دن کی صبح نماز فجر سے پہلے تین مرتبہ یہ دعا پڑھے گا ۔ «استغفر الله الذى لا إله إلا هو الحي القيوم و أتوب إليه» تو اس کی تمام گناہ بخش دئیے جائیں گے خواہ سمندر کی جھاگ کے برابر ہی کیوں نہ ہوں ۔ “