کتب حدیث › مجموعه ضعيف احاديث › ابواب › باب: روٹی کی تعظیم کرو

مجموعه ضعيف احاديث

— متفرق
باب: روٹی کی تعظیم کرو
حدیث نمبر: 903
أكرموا الخبز فان الله أنزل له بركات السماء وأخرج له بركات الأرض
حافظ عمران ایوب لاہوری
” روٹی کی عزت کرو کیونکہ اللہ تعالیٰ نے اسی کے لیے آسمان کی برکتیں نازل فرمائی ہیں اور اسی کے لیے زمین کی برکتیں نکالی ہیں ۔ “
حوالہ حدیث مجموعه ضعيف احاديث / حدیث: 903
درجۂ حدیث محدثین: ضعيف
تخریج حدیث {«ضعيف»} :
امام سیوطی رحمہ الله اور امام شوکانی رحمہ الله نے فرمایا ہے کہ اس کی سند میں طلحہ راوی متروک ہے۔ [اللآلي المصنوعة 181/2] ، [الفوائد المجموعة ص: 161]
حافظ عراقی رحمہ الله نے اس کی سند کو سخت ضعیف کہا ہے۔ [المغنى عن حمل الاسفار 349/1]
امام ابن جوزی رحمہ الله نے فرمایا ہے کہ یہ حدیث صحیح نہیں۔ [الموضوعات 291/2]
شیخ البانی رحمہ الله نے اسے ضعیف کہا ہے۔ [الضعيفة 2885]
حدیث نمبر: 904
أكرموا الخبز فان الله أكرمه فمن أكرم الخبز أكرمه الله
حافظ عمران ایوب لاہوری
” روٹی کی عزت کرو کیونکہ اللہ تعالیٰ بھی اس کی عزت کرتے ہیں اور جس نے روٹی کی عزت کی اللہ تعالیٰ بھی اس کی عزت کریں گے ۔ “
حوالہ حدیث مجموعه ضعيف احاديث / حدیث: 904
درجۂ حدیث محدثین: موضوع
تخریج حدیث {«موضوع»} :
ابن طاہر مقدسی رحمہ الله فرماتے ہیں کہ اس میں نوح بن ابی مریم ، عبدالملک بن عبدالعزیز اور طلحہ بن زید تینوں راوی ضعیف ہیں۔ [معرفة التذكرة ص: 11]
امام ہیثمی رحمہ الله نے فرمایا ہے کہ اس میں خلف بن یحییٰ راوی ضعیف ہے۔ [مجمع الزوائد 7976]
شیخ البانی رحمہ الله نے اسے موضوع کہا ہے۔ [ضعيف الجامع 1125] ، [الضعيفة 422/6]
حدیث نمبر: 905
ما استخف قوم بحق الخبز الا ابتلاهم الله بالجوع
حافظ عمران ایوب لاہوری
” جو قوم بھی روٹی کا حق کم تصور کرتی ہے اللہ تعالیٰ اسے بھوک میں مبتلا کر دیتے ہیں ۔ “
حوالہ حدیث مجموعه ضعيف احاديث / حدیث: 905
درجۂ حدیث محدثین: موضوع
تخریج حدیث {«موضوع»} :
امام سیوطی رحمہ الله ، امام ابن جوزی رحمہ الله اور علامہ طاہر پٹنی رحمہ الله نے اسے موضوع قرار دیا ہے۔ [اللآلي المصنوعة 183/2] ، [الموضوعات 292/2] ، [تذكرة الموضوعات ص: 144]
مزید دیکھئے: [الفوائد المجموعة ص: 163] ، [كشف الخفاء 170/1] ، [المقاصد ص: 144]