مجموعه ضعيف احاديث

” حضرت معاذ بن جبل رضی اللہ عنہ بیان کرتے ہیں کہ جب نبی کریم صلی اللہ علیہ وسلم نے انہیں یمن بھیجا تو ان سے فرمایا جب تمہارے سامنے مقدمات پیش کئے جائیں گے تو کیسے ان کا فیصلہ کرو گے ؟ انہوں نے عرض کیا کہ میں اللہ کی کتاب کے مطابق فیصلہ کروں گا ۔ آپ صلی اللہ علیہ وسلم نے فرمایا ، اگر وہ بات اللہ کی کتاب میں نہ ہو ؟ انہوں نے عرض کیا کہ پھر میں رسول اللہ صلی اللہ علیہ وسلم کی سنت کے مطابق فیصلہ کروں گا ۔ آپ صلی اللہ علیہ وسلم نے پھر فرمایا کہ اگر وہ بات سنت رسول میں بھی نہ ہو ؟ انہوں نے عرض کیا تب میں اپنی رائے سے اجتہاد کروں گا اور کوئی کسر نہیں چھوڑوں گا ۔ اس پر آپ صلی اللہ علیہ وسلم نے اپنے ہاتھ ان کے سینے پر مارے اور فرمایا کہ تمام تعریفیں اس ذات کے لئے ہیں جس نے رسول کے قاصد کو یہ توفیق دی جس سے اللہ کے رسول بھی راضی ہوئے ہیں ۔ “