‏‏‏‏ اس کو عمر ، ابن عمر ، ابوسعید اور ابوہریرہ رضوان اللہ علیہم نے بیان کیا ۔

´ہم سے ابوالنعمان محمد بن فضل نے بیان کیا ، کہا ہم سے حماد بن زید نے ایوب سے کہا ، انہوں نے نافع سے ، انہوں نے ابن عمر رضی اللہ عنہما سے ، آپ نے فرمایا کہ` جس طرح میں نے اپنے ساتھیوں کو نماز پڑھتے دیکھا ، میں بھی اسی طرح نماز پڑھتا ہوں ، کسی کو روکتا نہیں ۔ دن اور رات کے جس حصہ میں جی چاہے نماز پڑھ سکتا ہے ، البتہ سورج کے طلوع اور غروب کے وقت نماز نہ پڑھا کرو ۔