صحيح البخاري

‏‏‏‏ «وما كنا لنهتدي لولا أن هدانا الله‏» ” اور ہم ہدایت پانے والے نہیں تھے ، اگر اللہ نے ہمیں ہدایت نہ کی ہوتی ۔ “ «لو أن الله هداني لكنت من المتقين» ” اگر اللہ نے مجھے ہدایت کی ہوتی تو میں متقیوں میں سے ہوتا ۔ “ ( الزمر : 57 )

´ہم سے ابوالنعمان نے بیان کیا ، انہوں نے کہا کہ ہم کو جریر نے خبر دی جو ابن حازم ہیں ، انہیں ابواسحاق نے ، ان سے براء بن عازب رضی اللہ عنہ نے کہا کہ` میں نے غزوہ خندق کے دن رسول اللہ صلی اللہ علیہ وسلم کو دیکھا کہ آپ ہمارے ساتھ مٹی اٹھا رہے تھے اور یہ کہتے جاتے تھے ۔ ” واللہ ، اگر اللہ نہ ہوتا تو ہم ہدایت نہ پا سکتے ۔ نہ روزہ رکھ سکتے اور نہ نماز پڑھ سکتے ۔ پس اے اللہ ! ہم پر سکینت نازل فرما ۔ اور جب سامنا ہو تو ہمیں ثابت قدم رکھ ۔ اور مشرکین نے ہم پر زیادتی کی ہے ۔ جب وہ کسی فتنہ کا ارادہ کرتے ہیں تو ہم انکار کرتے ہیں ۔ “