سلسله احاديث صحيحه

سیدنا عبداللہ بن عمرو رضی اللہ عنہ سے مروی ہے کہ سیدنا معاذ بن جبل نے سفر کا ارادہ کیا اور کہا : اے اﷲ کے رسول ! مجھے کوئی وصیت فرما دیں ۔ آپ صلی اللہ علیہ وسلم نے فرمایا : ”تو اﷲ کی عبادت کر اور ا‏‏‏‏س کے ساتھ کسی کو شریک نہ ٹھہرا ۔“ انہوں نے کہا ، اے اللہ کے نبی مزید وصیت فرمائیں ۔ آپ صلی اللہ علیہ وسلم نے فرمایا : ”جب تو برائی کرے تو فوراً نیکی کر ۔ ”‏‏‏‏ انہوں نے کہا : اے اللہ کے نبی ! اور کوئی وصیت فرما دیں ۔ آپ صلی اللہ علیہ وسلم نے فرمایا : ”‏‏‏‏ثابت قدم رہ اور اپنے اخلاق کو اچھا کر ۔“