سلسله احاديث صحيحه

سیدنا عبداللہ رضی اللہ عنہ سے مروی ہے وہ کہتے ہیں کہ رسول اللہ صلی اللہ علیہ وسلم نے فرمایا : ”قیامت والے دن (حقوق اللہ میں سے ) لوگوں کا سب سے پہلے نماز کا حساب ہو گا اور (حقوق العباد میں سے ) سب سے پہلے خون کے بارے میں فیصلہ ہو گا“ ۔

سیدنا انس رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا : ”قیامت کے روز سب سے پہلے بندے کا نماز کے بارے میں محاسبہ کیا جائے گا ۔ اگر وہ درست ہوئی تو اس کے بقیہ اعمال بھی درست ہوں گے اور اگر ان میں خرابی آ گئی تو بقیہ اعمال میں بھی بگاڑ آ جائے گا“ ۔