سلسله احاديث صحيحه

سیدنا عبداللہ بن عمر رضی اللہ عنہما سے مروی ہے کہ رسول اللہ صلی اللہ علیہ وسلم نے فرمایا : ”جو مجھ پر جھوٹ بولتا ہے ، (یعنی میری طرف جھوٹی بات منسوب کرتا ہے ) ، اس کے لیے آگ میں ایک گھر بنا دیا جاتا ہے ۔“

سیدنا ابوقتادہ رضی اللہ عنہ کہتے ہیں : میں نے رسول اللہ صلی اللہ علیہ وسلم کو فرماتے ہوئے سنا : ”مجھ سے زیادہ احادیث بیان کرنے سے بچو ، جو بندہ میری طرف کوئی بات منسوب کرے تو وہ حق اور سچ کہے ، کیونکہ جس نے میری طرف وہ بات منسوب کی جو میں نے نہ کہی تو وہ اپنا ٹھکانہ جہنم میں بنا لے ۔“