سلسله احاديث صحيحه

سیدنا سائب بن یزید بن اخت نمر رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : ” کوئی بیماری متعدی نہیں ہے ، نہ ہی صفر کچھ ہے اور نہ الو ( وغیرہ کی نفع و نقصان میں کوئی حقیقت ہے ) ۔ “

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : ” کوئی بیماری متعدی نہیں ، نہ فال بد کوئی چیز ہے ، البتہ مجھے نیک فال پسند ہے ۔ “

سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا : ” کوئی بیماری متعدی نہیں ہے ، نہ فال بد کوئی چیز ہے اور تین چیزوں میں بدشگونی ( یا نحوست ) ہوتی ہے : بیوی ، گھوڑا اور گھر ۔ “

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : ” کوئی بیماری متعدی نہیں ، نہ برے شگون کی کوئی حقیقت ہے اور نظر لگنا حق ہے ۔ “

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : ” بیماری متعدی نہیں اور نہ ہی بدشگونی ہے اور صفر کا مہینہ منحوس ہے نہ ہی الو ( کی کوئی حقیقت ہے ) ۔ “ ایک بدو نے کہا: تو پھر ایک اونٹ جب ریت میں ہرن کی طرح چل رہا ہوتا ہے ( یعنی صحت مند ہوتا ہے ) ، لیکن جب خارشی اونٹ اس سے خلط ملظ ہوتا ہے تو اسے بھی خارش لگ جاتی ہے ؟ آپ صلی اللہ علیہ وسلم نے فرمایا : ” ( اچھا یہ بتلاؤ کہ ) پہلے اونٹ کو خارش کس نے لگائی ؟ “

سیدنا جابر رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : ” کوئی بیماری متعدی نہیں ، نہ فال بد کی کوئی حقیقت ہے اور نہ کوئی غول ہے ۔ “

سعید بن مسیب کہتے ہیں : میں نے سیدنا سعد بن ابووقاص رضی اللہ عنہ سے بدشگونی کے بارے میں پوچھا: انہوں نے مجھے جھڑک دیا اور کہا: تجھے یہ کس نے بیان کیا ؟ میں نے ناپسند کیا کہ بیان کرنے والے کا نام بتاؤں ۔ پھر کہا کہ رسول اللہ صلی اللہ علیہ وسلم نے فرمایا : ” نہ کوئی بیماری متعدی ہے ، نہ کوئی بدفال ہے اور نہ الو کا بولنا کوئی اثر رکھتا ہے ، اگر بدشگونی ہوتی تو گھوڑے ، بیوی اور گھر میں ہوتی ۔ جب تم سنو کہ فلاں علاقے میں طاعون کی بیماری پھیل گئی ہے تو وہاں نہ جاؤ اور اگر تم اسی علاقہ میں ہو تو وہاں سے مت نکلو ۔ “

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : ” نہ کوئی بیماری متعدی ہے ، نہ کوئی فال بد ہے ، نہ الو کے بولنے کا اثر ہے اور نہ کوئی صفر ہے اور کوڑھی سے اس طرح بھاگ جس طرح شیر ( سے بچنے کے لیے ) بھاگتا ہے ۔ “

سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : ” کوئی بیماری متعدی نہیں اور نہ کوئی بدفال کی حقیقت ہے ، البتہ مجھے نیک فال یعنی ( حوصلہ دلانے والی ) اچھی بات پسند ہے ۔ “

ابوزناد کہتے ہیں : مجھے صحابہ کرام کے پسندیدہ ، قناعت پسند بیٹوں ، جو اعلیٰ و اولی لوگ تھے ، نے بیان کیا کہ رسول اللہ صلی اللہ علیہ وسلم نے فرمایا : ” نہ کوئی بیماری متعدی ہے ، نہ الو کے بولنے کا کوئی اثر ہے ، نہ کوئی صفر ہے اور کوڑھی سے ایسے بچو جیسے شیر سے بچا جاتا ہے ۔ “

سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا : ” مریض کو صحت مند پر پیش نہ کیا جائے ۔ “