سنن ترمذي

´انس رضی الله عنہ سے روایت ہے کہ` نبی اکرم صلی اللہ علیہ وسلم نے فرمایا : ” اپنے بھائی کی مدد کرو خواہ وہ ظالم ہو یا مظلوم “ ، صحابہ نے کہا : اللہ کے رسول ! میں نے مظلوم ہونے کی صورت میں تو اس کی مدد کی لیکن ظالم ہونے کی صورت میں اس کی مدد کیسے کروں ؟ آپ نے فرمایا : ” اسے ظلم سے باز رکھو ، اس کے لیے یہی تمہاری مدد ہے “ ۔
امام ترمذی کہتے ہیں :
۱- یہ حدیث حسن صحیح ہے ،
۲- اس باب میں عائشہ رضی الله عنہا سے بھی روایت ہے ۔