سنن ترمذي

´رافع بن خدیج رضی الله عنہ سے روایت ہے کہ` نبی اکرم صلی اللہ علیہ وسلم نے فرمایا : ” بخار جہنم کی گرمی سے ہوتا ہے ، لہٰذا اسے پانی سے ٹھنڈا کرو “ ۔
امام ترمذی کہتے ہیں :
اس باب میں اسماء بنت ابوبکر ، ابن عمر ، زبیر کی بیوی ، ام المؤمنین عائشہ اور ابن عباس رضی الله عنہم سے بھی احادیث آئی ہیں ( عائشہ رضی الله عنہا کی روایت آگے آ رہی ہے ) ۔

´ام المؤمنین عائشہ رضی الله عنہا سے روایت ہے کہ` رسول اللہ صلی اللہ علیہ وسلم نے فرمایا : ” بخار جہنم کی گرمی سے ہوتا ہے ، لہٰذا اسے پانی سے ٹھنڈا کرو “ ۔

´اس سند سے` اسماء بنت ابی بکر رضی الله عنہا سے اسی جیسی حدیث مروی ہے ۔
امام ترمذی کہتے ہیں :
۱- اسماء کی حدیث میں اس حدیث سے کچھ زیادہ باتیں ہیں ،
۲- دونوں حدیثیں صحیح ہیں ۔