سنن نسائي
كتاب الاستعاذة — کتاب: استعاذہ (بری چیزوں سے اللہ کی پناہ مانگنے) کے آداب و احکام
بَابُ : الاِسْتِعَاذَةِ مِنْ شَرِّ الذَّكَرِ — باب: عضو تناسل کی برائی سے اللہ تعالیٰ کی پناہ مانگنے کا بیان۔
حدیث نمبر: 5486
أَخْبَرَنِي عُبَيْدُ اللَّهِ بْنُ وَكِيعٍ ، قَالَ : حَدَّثَنَا أَبِي ، عَنْ سَعْدِ بْنِ أَبِي أَوْسٍ ، عَنْ بِلَالِ بْنِ يَحْيَى ، عَنْ شُتَيْرِ بْنِ شَكَلِ بْنِ حُمَيْدٍ ، عَنْ أَبِيهِ ، قَالَ : قُلْتُ : يَا رَسُولَ اللَّهِ , عَلِّمْنِي دُعَاءً أَنْتَفِعُ بِهِ ، قَالَ : " قُلِ : اللَّهُمَّ عَافِنِي مِنْ شَرِّ سَمْعِي ، وَبَصَرِي ، وَلِسَانِي ، وَقَلْبِي ، وَشَرِّ مَنِيِّي " ، يَعْنِي ذَكَرَهُ .
ڈاکٹر عبدالرحمٰن فریوائی
´شکل بن حمید رضی اللہ عنہ کہتے ہیں کہ` میں نے عرض کیا : اللہ کے رسول ! مجھے ایسی دعا سکھائیے جو میرے لیے نفع بخش اور مفید ہو ، آپ نے فرمایا : ” کہو : «اللہم عافني من شر سمعي وبصري ولساني وقلبي وشر منيي» ” اے اللہ مجھے میرے کان ، میری نگاہ ، میری زبان ، میرے دل اور منی کی برائی سے بچائے “ ۱؎ ۔
وضاحت:
۱؎: عضو تناسل کی برائی یہ ہے کہ اس کا استعمال حرام جگہ میں ہو، اس کی برائی سے پناہ مانگنے کی تعلیم آپ صلی اللہ علیہ وسلم نے شکل رضی اللہ عنہ کو دی۔