سنن نسائي
كتاب الوصايا — کتاب: وصیت کے احکام و مسائل
بَابُ : اجْتِنَابِ أَكْلِ مَالِ الْيَتِيمِ — باب: یتیم کا مال کھانے سے بچنے کا بیان۔
حدیث نمبر: 3701
أَخْبَرَنَا الرَّبِيعُ بْنُ سُلَيْمَانَ ، قَالَ : حَدَّثَنَا ابْنُ وَهْبٍ ، عَنْ سُلَيْمَانَ بْنِ بِلَالٍ ، عَنْ ثَوْرِ بْنِ زَيْدٍ ، عَنْ أَبِي الْغَيْثِ ، عَنْ أَبِي هُرَيْرَةَ ، أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : " اجْتَنِبُوا السَّبْعَ الْمُوبِقَاتِ " ، قِيلَ : يَا رَسُولَ اللَّهِ مَا هِيَ ؟ قَالَ : " الشِّرْكُ بِاللَّهِ وَالشُّحُّ وَقَتْلُ النَّفْسِ الَّتِي حَرَّمَ اللَّهُ إِلَّا بِالْحَقِّ وَأَكْلُ الرِّبَا وَأَكْلُ مَالِ الْيَتِيمِ وَالتَّوَلِّي يَوْمَ الزَّحْفِ وَقَذْفُ الْمُحْصَنَاتِ الْغَافِلَاتِ الْمُؤْمِنَاتِ " .
ڈاکٹر عبدالرحمٰن فریوائی
´ابوہریرہ رضی الله عنہ سے روایت ہے کہ` رسول اللہ صلی اللہ علیہ وسلم نے فرمایا : ” سات ہلاک کر دینے والی چیزوں سے بچو “ ، پوچھا گیا : اللہ کے رسول ! یہ کیا کیا ہیں ؟ آپ نے فرمایا : ” اللہ تعالیٰ کے ساتھ کسی کو شریک ٹھہرانا ، بخیلی ، کسی شخص کا قتل جس کو اللہ تعالیٰ نے حرام کیا ہے ، سود کھانا ، یتیم کا مال کھانا ، لڑائی کے وقت پیٹھ دکھا کر بھاگ جانا ، اور بھولی بھالی پاک دامن مسلمان عورتوں پر تہمت لگانا “ ۔