سنن ابن ماجه

´ام قیس بنت محصن رضی اللہ عنہا کہتی ہیں کہ` میں اپنے بچے کو لے کر نبی اکرم صلی اللہ علیہ وسلم کی خدمت میں حاضر ہوئی ، اور اس سے پہلے میں نے «عذرہ» ۱؎ ( ورم حلق ) کی شکایت سے اس کا حلق دبایا تھا ، آپ صلی اللہ علیہ وسلم نے پوچھا : ” آخر کیوں تم لوگ اپنے بچوں کے حلق دباتی ہو ؟ تم یہ عود ہندی اپنے لیے لازم کر لو ، اس لیے کہ اس میں سات بیماریوں کا علاج ہے ، اگر «عذرہ» ۱؎ ( ورم حلق ) کی شکایت ہو تو اس کو ناک ٹپکایا جائے ، اور اگر «ذات الجنب» ۲؎ ( نمونیہ ) کی شکایت ہو تو اسے منہ سے پلایا جائے “ ۔

´اس سند سے بھی` ام قیس رضی اللہ عنہا سے اسی طرح روایت مرفوعاً وارد ہے ، یونس کہتے ہیں : «أعلقت» کے معنی ہیں «غمزت» یعنی میں نے دبایا ۔