سیدنا انس رضی اللہ عنہ بیان کرتے ہیں: جب وہ دن تھا جس دن نبی اکرم صلی اللہ علیہ وسلم مدینہ منورہ تشریف لائے تھے تو اس دن ہر چیز روشن ہو گئی تھی، جب وہ دن آیا جس میں نبی اکرم صلی اللہ علیہ وسلم کا وصال ہوا۔ اس دن ہر چیز تاریک ہو گئی تھی ابھی ہم نے اپنے ہاتھوں کو نبی اکرم صلی اللہ علیہ وسلم سے جدا نہیں کیا تھا اور آپ کو دفن کر رہے تھے کہ اسی دوران ہمیں اپنے قلوب کی کیفیت تبدیل ہوتی ہوئی محسوس ہوئی۔