مصعب بن سعد اپنے والد کا یہ بیان نقل کرتے ہیں نبی اکرم صلی اللہ علیہ وسلم پر قرآن نازل ہوتا رہا آپ صلی اللہ علیہ وسلم طویل عرصے تک لوگوں کے سامنے اس کی تلاوت کرتے رہے لوگوں نے عرض کی: یا رسول اللہ (صلی اللہ علیہ وسلم)! اگر آپ صلی اللہ علیہ وسلم ہمارے سامنے کوئی واقعہ بیان کریں (تو مہربانی ہو گی) تو اللہ تعالیٰ نے یہ آیت نازل کی۔ «الر تِلْكَ آيَاتُ الْكِتَابِ الْمُبِينِ» یہ آیت یہاں تک ہے۔ ”ہم تمہارے سامنے بہترین قصہ بیان کر رہے ہیں۔ “ نبی اکرم صلی اللہ علیہ وسلم نے یہ آیت ایک طویل عرصے تک لوگوں کے سامنے تلاوت کی پھر لوگوں نے عرض کی یا رسول اللہ (صلی اللہ علیہ وسلم)! اگر آپ صلی اللہ علیہ وسلم ہمیں کوئی بات بتائیں (تو مہربانی ہو گی) تو اللہ تعالیٰ نے یہ آیت نازل کی۔ اللہ تعالیٰ نے سب سے بہترین بات کتاب کی شکل میں نازل کی ہے جس میں متشابہات ہیں۔ تو ان سب کو قرآن کے مطابق حکم دیا جاتا تھا۔
خلاد نامی راوی نے اپنی روایت میں یہ الفاظ زائد نقل کیے ہیں: جب لوگوں نے یہ عرض کی: یا رسول اللہ (صلی اللہ علیہ وسلم)! آپ صلی اللہ علیہ وسلم ہمیں کوئی نصیحت کیجئے، تو اللہ تعالیٰ نے یہ آیت نازل کی۔ کیا اہل ایمان پر ابھی وہ وقت نہیں آیا کہ ان کے قلوب اللہ کے ذکر کے لیے خوف زدہ ہو جائیں۔