الفتح الربانی

فوائد: … ایک حدیث کے الفاظ یہ ہیں: ((لَاتَأْکُلْ مُتَّکِئاً۔)) تو ٹیک لگا کر نہ کھا۔
(ملاحظہ ہو: سلسلہ صحیحہ: ۳۱۲۲)
دوسرے جملے کا مفہوم یہ ہے کہ آپ صلی اللہ علیہ وآلہ وسلم لوگوں کے سامنے اور آگے نہیں چلتے تھے۔
صحابۂ کرام کا آپ صلی اللہ علیہ وآلہ وسلم کے آگے چلنے کہ وجہ اس حدیث میں مذکور ہے: سیدنا جابر رضی اللہ عنہ کہتے ہیں: کَانَ أَصْحَابُہٗیَمْشُوْنَ أَمَامَہٗإِذَاخَرَجَوَیَدَعُوْنَ ظَھْرَہٗلِلْمَلَائِکَۃِ۔ (ابن ماجہ،صحیحہ: ۴۳۶) … صحابۂ کرام آپ صلی اللہ علیہ وآلہ وسلم کے سامنے چلتے تھے اور آپ صلی اللہ علیہ وآلہ وسلم کی پشت فرشتوں کے لیے چھوڑ دیتے تھے۔
جبکہ سیدنا جابر کی دوسری روایت میں ہے کہ آپ صلی اللہ علیہ وآلہ وسلم نے صحابہ سے فرمایا: ((اِمْشُوْا اَمَامِیْ وَخَلُّوْا ظَھْرِیْ لِلْمَلَائِکَۃِ۔)) (صحیحہ: ۱۵۵۷، الحلیۃ لابی نعیم: ۷/۱۱۷) … میرے آگے چلا کرو اور میری پشت کو فرشتوں کے لیے خالی چھوڑ دیا کرو۔

فوائد: … یہ نبی ٔ کریم صلی اللہ علیہ وآلہ وسلم کے حسن اخلاق کی اعلی مثال تھی، کھانے کا عیب نکالنے سے تیار کرنے والے کی حوصلہ شکنی ہوتی ہے اور اس کا دل ٹوٹ جاتا ہے، جبکہ نبی ٔ مہربان صلی اللہ علیہ وآلہ وسلم تو کسی کا دل توڑنے والے نہیں تھے، آپ صلی اللہ علیہ وآلہ وسلم تو اپنے خون کے پیاسوں کا دل مول لے لیتے تھے۔

فوائد: … آپ صلی اللہ علیہ وآلہ وسلم سادہ سا کھانا سادے سے انداز میں تناول فرما لیتے اور بس، اب دورِ حاضر میں جو اہتمام کھانے پینے کے لیے ہوتا ہے، عصرِ نبوی میں اس قسم کا اہتمام عبادت کے لیے ہوتا تھا، جو چیز اس وقت اصل تھی، وہ ہمارے دور میں فرع بن گئی اور اُس دور کی فرعی چیز ہمارے لیے اصل بن گئی۔

فوائد: … مکروہ سے امور سے مراد استنجا کرنا، لیٹرین میں داخل ہونا، کپڑا اتارنا، ناک صاف کرنا وغیرہ ہے، بائیں ہاتھ اور بائیں طرف سے یہ کام کرنے چاہئیں۔