سیدہ عائشہ رضی اللہ عنہا بیان کرتی ہیں: نبی کریم صلی اللہ علیہ وسلم نے فرمایا: ”جس شخص کا وضو ٹوٹ جائے، اگر وہ نماز کی حالت میں ہو، تو ناک پر ہاتھ رکھ کر واپس جائے، تاکہ یہ ظاہر ہو کہ اس کی نکسیر پھوٹ گئی ہے۔“

سیدہ عائشہ رضی اللہ عنہا بیان کرتی ہیں: نبی کریم صلی اللہ علیہ وسلم نے یہ بات ارشاد فرمائی: ”جب کسی شخص کا نماز کے دوران وضو ٹوٹ جائے، تو اسے اپنی ناک کو پکڑ لینا چاہیے، پھر واپس چلے جانا چاہیے۔“

سیدہ عائشہ رضی اللہ عنہا بیان کرتی ہیں: ”جب کسی شخص کا نماز میں وضو ٹوٹ جائے، پھر اسے اپنی ناک پکڑ لینی چاہیے اور پھر واپس چلے جانا چاہیے۔“

سیدنا عبداللہ بن عباس رضی اللہ عنہما بیان کرتے ہیں: نبی کریم صلی اللہ علیہ وسلم نے پھوڑے اور پھنسی کے خون کے بارے میں اجازت دی ہے (اس سے وضو نہیں کرنا پڑتا)۔

سیدہ عائشہ رضی اللہ عنہا بیان کرتی ہیں: نبی کریم صلی اللہ علیہ وسلم نے ارشاد فرمایا: ”جس شخص کا نماز کے دوران وضو ٹوٹ جائے، تو اپنی ناک کو پکڑ لے اور پھر واپس جا کر وضو کر لے۔“

سیدنا ابودرداء رضی اللہ عنہ بیان کرتے ہیں: ایک دفعہ نبی کریم صلی اللہ علیہ وسلم نے یہ کہہ کر روزہ ختم کر دیا۔ راوی بیان کرتے ہیں: بعد میں، میری ملاقات دمشق کی جامع مسجد میں سیدنا ثوبان رضی اللہ عنہ سے ہوئی، میں نے اس بات کا تذکرہ ان سے کیا، انہوں نے فرمایا: ”(ابودرداء نے سچ فرمایا) میں نے نبی کریم صلی اللہ علیہ وسلم کو وضو کروایا تھا۔“

سعد ان نے بیان کیا: سیدنا ابودرداء رضی اللہ عنہ نے انہیں یہ حدیث سنائی تھی، پھر انہوں نے سیدنا ابودرداء رضی اللہ عنہ کے حوالے سے اور سیدنا ثوبان رضی اللہ عنہ کے حوالے سے، نبی کریم صلی اللہ علیہ وسلم سے اسی کی مانند روایت نقل کی تھی۔

معدان بن ابوطلحہ یہ بات بیان کرتے ہیں: یہ بات انہیں سیدنا ابودرداء رضی اللہ عنہ نے بتائی ہے، اس کے بعد انہوں نے حسب سابق حدیث ذکر کی ہے، جس میں اس بات کا تذکرہ ہے: (سیدنا ثوبان رضی اللہ عنہ نے یہ بتایا ہے:) ”میں نے نبی کریم صلی اللہ علیہ وسلم کو وضو کروایا تھا۔“

یہی روایت ایک اور سند کے ہمراہ منقول ہے، جس میں یہ الفاظ ہیں: سیدنا ثوبان رضی اللہ عنہ نے فرمایا: ”انہوں نے سچ فرمایا، میں نے نبی کریم صلی اللہ علیہ وسلم کو وضو کروایا تھا۔“

سیدنا ابن عباس رضی اللہ عنہما بیان کرتے ہیں: ایک شخص نے عرض کی: ”یا رسول اللہ! میں جب کبھی وضو کرتا ہوں، (خون) بہنے لگتا ہے۔“ نبی کریم صلی اللہ علیہ وسلم نے ارشاد فرمایا: ”جب تم وضو کر لو، پھر وہ اگر تمہاری چوٹی سے لے کر پاؤں تک بہتا رہے، تو تم پر وضو کرنا لازم نہیں ہے۔“ عبداللہ بن ملک راموی ضعیف ہے، یہ روایت مستند نہیں ہے۔

سیدنا ثوبان رضی اللہ عنہ بیان کرتے ہیں: نبی کریم صلی اللہ علیہ وسلم نے روزہ رکھا ہوا تھا، یہ رمضان کے علاوہ کی بات ہے، آپ کو کوئی تکلیف لاحق ہوئی، جس نے آپ کو اذیت دی، جس کی وجہ سے آپ کو قے آ گئی، پھر آپ نے قے کی، پھر وضو کے لیے مجھے بلا کر وضو کیا اور روزے کو ختم کر دیا، میں نے عرض کی: ”یا رسول اللہ! قے کرنے کے بعد وضو کرنا فرض ہے؟“ نبی کریم صلی اللہ علیہ وسلم نے ارشاد فرمایا: ”اگر یہ فرض ہوتا، تو تمہیں پر آن میں اس کا حکم مل جاتا۔“ راوی بیان کرتے ہیں: نبی کریم صلی اللہ علیہ وسلم نے اگلے دن روزہ رکھا تھا، تو میں نے نبی کریم صلی اللہ علیہ وسلم کو یہ ارشاد فرماتے ہوئے سنا: ”یہ میرے گزشتہ کل کے روزہ توڑنے کی قضا ہے۔“ اس روایت کو اوزاعی کے حوالے سے صرف عطیہ بن سکن نے نقل کیا ہے، یہ شخص منکر الحدیث ہے۔