صحيح ابن خزيمه

سیدنا عبداللہ بن زید رضی اللہ عنہ سے روایت ہے کہ رسول اللہ صلی اللہ علیہ وسلم نے اپنے دونوں ہاتھوں سے اپنے سر کا مسح کیا ، دونوں ہاتھوں کو آگے سے پیچھے اور پیچھے سے آگے لے گئے ، پیشانی سے شروع کر کے اُنہیں اپنی گُدی تک لے گئے ، پھر اُنہیں اُسی جگہ واپس لے آئے جہاں سے شروع کیا تھا ۔

سیدنا عبداللہ بن زید رضی اللہ عنہ سے روایت ہے کہ رسول اللہ صلی اللہ علیہ وسلم نے وضو کیا تو اپنا چہرہ مبارک تین بار دھویا ، اور اپنے دونوں ہاتھ دوبارہ دھوئے پھر اپنے سر کا مسح کیا اور ( مسح کرنا ) پیشانی سے شروع کیا ، پھر اپنے دونوں پاؤں دھوئے۔