سوال

قربانی نہ کرنے والا بھی بال نہ بنائے تو ثواب ملے گا؟

جواب

الحمد لله، والصلاة والسلام علىٰ رسول الله، أما بعد!

◈ جو شخص قربانی کرنے کی استطاعت نہ رکھتا ہو، اسے چاہیے کہ عیدالاضحیٰ سے پہلے اپنے بال نہ کٹوائے اور نہ ہی ناخن تراشوائے۔
◈ پھر عید کے دن بال اور ناخن کاٹ لے، تو اس کو بھی قربانی کا ثواب مل جائے گا۔

حضرت عبداللہ بن عمر اور عبداللہ بن عمرو رضی اللہ عنہما سے روایت ہے:

قَالَ الرَجُلٌ: يَا رَسُولَ اللَّهِ أَرَأَيْتَ إِنْ لَمْ أَجِدْ إِلَّا مَنِيحَةً أُنْثَى أَفَأُضَحِّي بِهَا؟ قَالَ: «لَا وَلَكِنْ خُذْ مِنْ شَعْرِكَ وَأَظْفَارِكَ وَتَقُصُّ مِنْ شَارِبِكَ وَتَحْلِقُ عَانَتَكَ فَذَلِكَ تَمَامُ أُضْحِيَّتِكَ عِنْدَ اللَّهِ»

“ایک شخص نے پوچھا: اے اللہ کے رسول! اگر مجھے قربانی کے جانور کے علاوہ صرف دودھ دینے والی بکری ہی ملے تو کیا میں اسی کی قربانی کر دوں؟ آپ ﷺ نے فرمایا: ایسا نہ کرو، بلکہ تم اپنے بال کاٹ لو، ناخن تراش لو، مونچھیں پست کر لو اور زیر ناف کے بال صاف کر لو، یہ سب کچھ تمہاری قربانی کے برابر ہوگا اللہ کے نزدیک۔”

(سنن ابی داؤد: ص ۱ ج ۲، عون المعبود ج ۳، باب ما جاء فی ایجاب الاضاحی ص ۵۰)

ھذا ما عندي واللہ أعلم بالصواب