سوال

سنابھی ہے اور لکھا ہوا پڑھا ہے کہ سنن ابن ماجہ میں صرف ایک ہی حدیث موضوع ہے وہ کون سی حدیث موضوع ہے؟

جواب

الحمد لله، والصلاة والسلام علىٰ رسول الله، أما بعد!

سنن ابن ماجہ میں ایک سے زائد احادیث موضوع موجود ہیں، اگرچہ عام شہرت یہی ہے کہ اس میں صرف ایک ہی موضوع روایت ہے۔ یہ روایت ابن ماجہ میں شہر قزوین کی فضیلت کے بارے میں منقول ہے۔

علامہ شوکانی رحمۃ اللہ علیہ کا قول

علامہ شوکانی رحمۃ اللہ علیہ الفوائد المجموعہ صفحہ نمبر 150 پر فرماتے ہیں:

حديث ستفتح عليكم الافاق ويفتح عليكم مدينه يقال لهاقزوين من رابط فيها اربعين كان له في الجنة عمود من ذهب الي قوله قد اورده ابن الجوزي في الموضوعات فاصاب ولعل هذا هوالحديث الذي يقال ان في سنن ابن ماجه حديث موضوعا انتهي.

حدیث کا متن مع سند

اسی حدیث کا متن مع سند سائل کے لیے درج ذیل ہے:

حدثنا اسماعيل بن سمرة حدثنا محمد بن يعلي السلمي ثناعمربن صبيح عن عبدالرحمان بن عمروعن مكحول عن ابي بن كعب رضی اللہ عنہ قال قال رسول اللهﷺلرباط يوم في سبيل الله من وراء عورة المسلمين محتسبامن غير شهررمضان اعظم اجرامن عبادة مائة سنة صيامهاوقيامها ورباط يوم في سبيل الله من وراء عورة المسلمين محتسبا من شهررمضان افضل عندالله.

اسے ابن ماجہ نے کتاب الجهاد، باب: فضل الرباط في سبيل الله میں روایت کیا ہے۔
حدیث نمبر: (2768) – ط: دارالسلام۔

خلاصہ

یہی وہ روایت ہے جو مشہور ہے کہ سنن ابن ماجہ میں واحد موضوع روایت ہے، اگرچہ حقیقت یہ ہے کہ اس میں ایک سے زیادہ موضوع احادیث بھی ہیں۔

ھذا ما عندي واللہ أعلم بالصواب