سوال

سیدنا ابن عباس رضی اللہ عنہ سے ایک تفسیر منسوب ہے جو "تفسیر ابن عباس” کے نام سے مشہور ہے، اس کی اسنادی حیثیت کیا ہے؟

جواب

الحمد لله، والصلاة والسلام علىٰ رسول الله، أما بعد!

تفسیر ابن عباس کی حقیقت یہ ہے کہ اس کی سند سلسلۃ الکذب ہے۔ اس کی سند میں ایک راوی محمد بن مروان السدی ہے جو کہ متہم بالکذب راوی ہے۔ یہ سدی دراصل محمد بن السائب الکلبی سے روایت بیان کرتا ہے اور وہ بھی رافضی اور متہم بالکذب ہے۔

اسی طرح کلبی ابوصالح باذام سے روایت بیان کرتا ہے، اور وہ بھی متروک راوی ہے۔

مزید برآں محدثین کرام رحمہم اللہ کی تصریحات کے مطابق باذام نے ابن عباس رضی اللہ عنہ سے کچھ بھی نہیں سنا۔ لہٰذا یہ سند بالکل بےکار اور سراسر باطل ہے۔ اس سے صرف وہی شخص استدلال کرے گا جسے علم کا ادنیٰ سا بھی حصہ نصیب نہ ہوا ہو۔

ھذا ما عندی واللہ اعلم بالصواب