سوال

کسی خاص تقریب میں، جہاں افسران حضرات بھی موجود ہوں، ترانہ کے دوران افسران کے ساتھ کھڑا ہو جانا، جبکہ دل میں اس کے شرعی جواز کی نیت نہ ہو — کیا اس صورت میں کفر لازم آتا ہے؟
اسی طرح افسران کی آمد پر کھڑا ہو جانا۔
ان حالات میں ہم مجبور ہو جاتے ہیں کہ اس قسم کا عمل انجام دیں۔ ہماری مجبوری کو مدنظر رکھتے ہوئے، ان صورتوں کے جواز یا عدم جواز کی وضاحت فرمائیں۔

جواب

الحمد لله، والصلاة والسلام علىٰ رسول الله، أما بعد!

کفر لازم ہونے کے بارے میں تو مجھے علم نہیں۔
ترانہ کے وقت، چاہے افسران کے ساتھ ہو یا ان کے بغیر، کھڑا ہونا کتاب و سنت میں کہیں ثابت نہیں ہوا۔
بلکہ، خطبہ جمعہ — جس میں اللہ تعالیٰ کا کلام بھی پڑھا جاتا ہے — بیٹھ کر سنا جاتا ہے۔
اس مسئلے کی تفصیل پہلے ذکر کی جا چکی ہے۔

ھذا ما عندي والله أعلم بالصواب