سوال:

لوہے کی انگوٹھی پہننا کیسا ہے؟

جواب:

لوہے کی انگوٹھی پہنا جائز ہے، حرمت یا کراہت پر کوئی دلیل ثابت نہیں ۔اس بارے میں مروی تمام روایات ضعیف و غیر ثابت ہیں۔
❀ نبی کریم صلی اللہ علیہ وسلم نے ایک صحابی سے حق مہر کے حوالے سے فرمایا:
اذهب فالتمس ولو خاتما من حديد.
”جائیں، کچھ لیں آئیں، چاہے لوہے کی انگوٹھی ہو۔“
(صحيح البخاري : 5871)
❀ ایک روایت میں ہے:
تزوج ، ولو خاتما من حديد.
”شادی کریں ، خواہ لوہے کی انگوٹھی کے عوض میں ہو ۔“
(صحيح البخاري : 5150)
❀ حافظ ابن عبدالبر رحمہ اللہ (463ھ) فرماتے ہیں:
في هذا الحديث دليل على جواز اتخاذ الخاتم من الحديد.
”یہ حدیث دلیل ہے کہ لوہے کی انگوٹھی پہننا جائز ہے۔“
(الاستذكار : 407/5)
❀ حافظ نووی رحمہ اللہ (676ھ) فرماتے ہیں:
المختار أنه لا يكره لهذين الحديثين.
”مذکورہ دونوں حدیثوں کی بناپر مختار یہی ہے کہ لوہے کی انگوٹھی مکروہ نہیں ۔“
(المجموع : 341/4)