سوال

نماز میں رفع الیدین (ہاتھ اٹھانا) فرض ہے یا سنت؟

جواب

الحمد لله، والصلاة والسلام علىٰ رسول الله، أما بعد!

احادیث میں رفع الیدین کو "فرض” یا "سنت” کہنے کے الفاظ صراحت سے موجود نہیں ہیں۔ لیکن یہ بات صحیح احادیث سے واضح طور پر ثابت ہے کہ رسول اللہﷺ نماز کے دوران رفع الیدین فرمایا کرتے تھے۔

نبی کریم ﷺ کی سنت

نبی کریم ﷺ نے فرمایا:

«صَلُّوْا كَمَا رَأَيْتُمُوْنِيْ أُصَلِّي»
’’تم نماز اس طرح پڑھو جس طرح تم مجھے نماز پڑھتے ہوئے دیکھتے ہو‘‘
(صحیح بخاری، جلد اول، کتاب الأذان، باب الأذان للمسافر)

یہ حدیث واضح دلیل ہے کہ ہمیں نبی اکرم ﷺ کی نماز کے طریقہ کار کو اپنانا چاہیے۔ چونکہ آپ ﷺ رفع الیدین کرتے تھے، اس لیے نماز میں رفع الیدین کرنا ثابت شدہ عمل ہے۔

ھذا ما عندي والله أعلم بالصواب