محرم الحرام اور کالا لباس

سوال

کیا ایک سلفی العقیدہ شخص محرم الحرام اور غیر محرم دنوں میں کالا لباس پہن سکتا ہے یا نہیں؟

جواب

الحمد لله، والصلاة والسلام علىٰ رسول الله، أما بعد!

محرم میں کالا لباس نہ پہننے کی ہدایت

محرم الحرام کے مہینے میں کالا لباس پہننے سے اجتناب کرنا بہتر ہے کیونکہ اس سے روافض کی مشابہت پیدا ہوتی ہے۔ نبی کریم ﷺ نے اس حوالے سے فرمایا:

«من تشبه بقوم فهو منهم»
"جس نے کسی قوم کی مشابہت اختیار کی، وہ انہی میں سے ہے۔”
(سنن ابی داود: ۴۰۳۱، وھو حدیث حسن)

عام دنوں میں کالا لباس پہننے کی اجازت

یاد رکھنا ضروری ہے کہ کالا لباس بذاتِ خود پہننا جائز ہے۔ لہٰذا محرم الحرام کے علاوہ دیگر دنوں میں کالا لباس پہنا جا سکتا ہے اور اس میں کوئی ممانعت نہیں۔

کالا لباس اور جہنمیوں سے متعلق غلط فہمی

عوام الناس میں یہ مشہور ہے کہ کالا لباس جہنمیوں کا لباس ہے، مگر یہ بات بے دلیل اور بے بنیاد ہے۔ اس کا کوئی ثبوت صحیح احادیث میں موجود نہیں۔

ھذا ما عندي والله أعلم بالصواب