سوال

موجودہ دور کے یہود و نصاریٰ کے برتن پاک ہیں یا نہیں؟ کیا ہم مسلمان ان میں کھا سکتے ہیں یا نہیں؟

جواب

الحمد لله، والصلاة والسلام علىٰ رسول الله، أما بعد!

اگر یہود و نصاریٰ کے برتنوں کے علاوہ دوسرے برتن دستیاب نہ ہوں، تو ان کے برتنوں کو اچھی طرح دھو لینے کے بعد ان میں کھانا پینا جائز ہے۔

صحیح بخاری میں حضرت ابو ثعلبہ خشنی رضی اللہ عنہ سے روایت ہے کہ رسول اللہ ﷺ نے اہلِ کتاب کے برتنوں کے بارے میں فرمایا:

((اما ما ذكرت أنكم بارض اهل كتاب فلا تاکلوا فى انيتهم إلا أن تجدوا بدا فلان لم تجدوا فاغسلوا وكلوا))
(صحيح البخارى، باب انيه المجوس والميته، ج2، ص826)

ترجمہ:
تو نے یہ کہا کہ ہم اہلِ کتاب کی زمین میں رہتے ہیں، تو سنو! اہلِ کتاب (یعنی یہود و نصاریٰ) کے برتنوں میں نہ کھاؤ پیو۔ ہاں، اگر ان کے برتنوں میں کھانے پینے کے سوا کوئی چارہ نہ ہو، تو انہیں دھو کر ان میں کھا پی لو۔

ھذا ما عندي واللہ أعلم بالصواب