سوال

کیا مکان پر زکوٰۃ ہے؟

جواب

الحمد لله، والصلاة والسلام علىٰ رسول الله، أما بعد!

اگر مکان تجارتی مقصد کے لیے رکھا گیا ہو، یعنی اسے خریدا گیا ہو یا بنایا گیا ہو تاکہ اسے فروخت کر کے نفع حاصل کیا جائے، تو ایسی صورت میں اس مکان کی مالیت اور اس سے حاصل ہونے والے کرایہ دونوں پر زکوٰۃ واجب ہے۔

لیکن اگر مکان فروخت کی نیت سے نہیں بلکہ صرف کرایہ پر دینے کے لیے بنایا گیا ہو اور اس سے کوئی تجارتی لین دین مقصود نہ ہو، تو ایسی صورت میں صرف حاصل شدہ کرایہ پر زکوٰۃ واجب ہو گی، مکان کی اصل مالیت پر زکوٰۃ فرض نہیں ہو گی۔

ھذا ما عندي والله أعلم بالصواب