ماخوذ: فتاوی امن پوری از شیخ غلام مصطفی ظہیر امن پوری
سوال:
کیا نکاح میں حق مہر واجب ہے؟
جواب :
نکاح میں حق مہر واجب ہے۔ اس کے بغیر نکاح منعقد نہیں ہوتا۔
❀ فرمان باری تعالیٰ ہے :
﴿وَآتُوا النِّسَاءَ صَدُقَاتِهِنَّ نِحْلَةً﴾
(النساء : 4)
”عورتوں کو ان کے مہر خوش دلی سے دو۔“
❀ علامہ قرطبی رحمہ اللہ (671ھ) فرماتے ہیں:
هذه الآية تدل على وجوب الصداق للمرأة، وهو مجمع عليه ولا خلاف فيه .
”یہ آیت دلالت کناں ہیں کہ عورت کو حق مہر دینا واجب ہے، اس پر اجماع ہے، کوئی اختلاف نہیں۔“
(تفسير القرطبي : 24/5)